# started 2014-09-02T08:18:45Z "Unicôde co a scrire...Djåzer di ISO, ISO 10646, ASCII, ISO 8859,UTF-8, UTF-16, UTF-32.Di côde di caracteres, di caractere, di glife, di scrijhaedje di droete viè l' hintche, des ligateures,... des caracteres CJK,..."@wa . "Li lete Å (lomêye A-bole), c' est ene lete di l' alfabet latén fwaite d' on on A avou on ptit rond å dzeu, lomé accint-bole. Si côde unicôde est U+00E5 pol pitite lete eyet U+00C5 pol grande lete.Loukîz direk sol pådje do betchfessî å po vey l' uzaedje del lete Å dins l' rifondaedje do walon."@wa . "lingaedjes > amerindyins > toupi-gwarani > gwaraniLi gwarani (avañe'ẽ e gwarani) est on lingaedje amerindyin del famile toupi-gwarani, djåzé å Paragway (wice k' il est djåzé pa 90% des dmorants, ey est oficir avou l' castiyan), å nôr di l' Årdjintene, a l' ess del Boliveye, eyet å sud eyet nôrouwess do Braezi. On conte k' i gn a shijh miyons di gwarani-cåzants e l' Amerike nonnrece.Les sillabes sont tofer drovowes (ele ni finixhèt måy pa ene cossoune); li lingaedje a shijh voyales simpes (a,e,i,o,u,y) et shijh voyales nåziåles (ki siscrijhèt avou ene wachlete (~) pa dzeu l' lete).L' ortografeye do gwarani eploye deus ôtes letes latenes avou des accints: ñ eyet g̃ (cisse dierinne n' egzistêye nén, al diferince des ôtes, come lete tote seule dins unicôde, el fåt scrire so les copiutreces come g shuvou di l' accint wachlete combinant).Bråmint des mots do gwarani (ou do toupinamba, on lingaedje del minme famile) ont passé e castiyan, et did la dins les ôtes lingaedjes del daegn, par egzimpe pirania (piraña, vout dire \"pexhon do diale\"), tatou, ananasse (anana), djacaranda, djagouwar (jaguareta), niandou (ñandu), tapir (tapira),... li gwarani est, après li grek eyet l' latén, li troejhinme sourdant po les nos syincieus des plantes et des biesses.Côde ISO: gn."@wa . "Li dimegne est l' no do setinme djoû del samwinne, li prumî po les Djwifs, l' Eglijhe crustinne et ls Arabes.Li mot dimegne vént do latén d' eglijhe dominicus dies ki vout dire \"li djoû do Signeur\" (do Bon Diu). Les crustins l' lomnut insi la k' c' est l' djoû do ravicaedje do Crisse, sapinse li dok crustin.C' est ci mot la vnant do latén d' eglijhe k' on rtrove dins cåzu tos les lingaedjes romans. Dins les tîxhons lingaedjes li djoû est purade lomé \"djoû do solea\", ou \"djoû di Sunne/Sunna\" (li diu ou l' deyesse do solea dins l' mitolodjeye tîxhone). E djaponès on l' lome eto \"djoû do solea\" (日曜日, nichiyōbi), et pareymint e chinwès (星期日 u 週日) Les ôtes djoûs del samwinne: londi ~ mårdi ~ mierkidi ~ djudi ~ vénrdi ~ semdi ~ dimegne L' intrêye po dimegne dins l' esplicant motî. Les moumints del djournêye."@wa . "Li londi (ou dilon) est l' no do prumî djoû del samwinne, li deujhinme po les Djwifs et ls Arabes.Li fôme dilon egzistéve co coranmint a Fêmoneye ezès anêyes 1900 et des; mins c' est l' fôme avou aplacaedje tîxhon k' est ouy li pus corante.Li mot vént do latén lunae dies ki vout dire \"li djoû del lune\".Li plupårt des lingaedjes romans eployèt s' no la, soeye-t i sol cognedi londi (lune-djoû) ou d' dilon (djoû-lune): lunes (castiyan), dilluns (catalan), lunedi (itålyin),...C' est co ç' sins la, oudonbén l' ci di \"djoû di Mona\" (li deyesse del lune dins l' mitolodjeye tîxhone) k' on rtrove dins les tîxhons lingaedjes. Eto e djaponès, li londi est li \"djoû del lune\" (月曜日, getsuyōbi). Mins e chinwès on djåze do \"prumî djoû del samwinne\"(星期一 u 週一), e portuguès c' est li \"deujhinme\" (segunda feria). Les ôtes djoûs del samwinne: londi ~ mårdi ~ mierkidi ~ djudi ~ vénrdi ~ semdi ~ dimegne Les intrêyes po londi et dilon dins l' esplicant motî. Les moumints del djournêye."@wa . "Li mårdi (ou dimår) est l' no do deujhinme djoû del samwinne, li troejhinme po les Djwifs et ls Arabes.Li fôme dimår egzistêve co coranmint divant les anêyes 1900 et des dins des plaeces k' i gn a; mins c' est l' fôme avou aplacaedje tîxhon k' est ouy li pus corante. Li mot vént do latén martis dies ki vout dire \"li djoû di Måss\" (li diu romin oudonbén l' planete).Ezès tîxhons lingaedjes li djoû est purade lomé \"djoû d' Tyr\" (k' est li diu dins l' mitolodjeye tîxhone ki corespond a Måss po les romins). E djaponès on l' lome \"djoû do feu\" (火曜日, kayōbi), mins ci feu la pout esse veyou soeye-t i come onk des cénk elemints prumioûles des Chinwès (li feu, l' aiwe, li bwès, li metå eyet l' tere) ou come l' acourtixha do no del planete Måss (火星, kasei), dj' ô bén, ki l' djoû est lomé come amon nozôtes.E chinwès c' est tot simplumint li \"deujhinme djoû del samwinne\"(星期二 u 週二); ey e portuguès li \"troejhinme\" (terça feria). Les ôtes djoûs del samwinne: londi ~ mårdi ~ mierkidi ~ djudi ~ vénrdi ~ semdi ~ dimegne Les intrêyes po mårdi et dimår dins l' esplicant motî. Les moumints del djournêye."@wa . "Çou k' on lome mitolodjeye rominne c' est des ledjindes et des spoûles del rilidjon politeyisse do tins d' l' Ancyinne Rome.Ene peclêye des deyités do panteyon romin vnént del Grece et prinde li plaece des deyités locåles, a kékès råles cas près.Årtikes so les dius et persounaedjes del mitolodjeye rominne: Apolon Bacusse Cerbere Cupidon Diyane Djanus Djunon Djupiter Måss: Diu del guere Mierkeure Mineve Nepteune ou Nûton (diu) Pan (diu) Pluton (diu) Kirinus Satûne (diu) Sol (diu) Venusse (diu): Deyesse del beaté Vesta: Deyesse del måjhone Vulcan"@wa . "Li margay est ene biesse a tetes magneuse di tchå del famile des tchetidîs, di poyaedje djaene-orandje cafloré di noer, ene miete pus grandek' on tchet d' måjhone, e sincieus latén Leopardus wiedii.I vike del nute ezès tchôdès aforesses di l' Amerike cintråle et nonnrece, wice k' i gripe disk' al miercopete des åbes. C' est li seu tchedidî ki pout dschinde des åbes li tiesse èn avant."@wa . "Måss est li cwatrinme planete do sistinme solrece, eyet li troejhinme li pus ptite après Pluton eyet Mierkeure.On l' a eto spotêye li rodje planete, cåze di s' rodje coleur; coleur k' est l' cåze k' ele est lomêye après l' diu romin del guere."@wa . "Li mierkidi (ou dimiek) est l' no do troejhinme djoû del samwinne, li cwatrinme po les Djwifs et ls Arabes.Li fôme dimiek egzistêve co coranmint divant les anêyes 1900 et des dins des plaeces k' i gn a; mins c' est l' fôme avou aplacaedje tîxhon k' est ouy li pus corante. Li mot vént do latén mercuri dies ki vout dire \"li djoû di Mierkeure\" (li diu romin oudonbén l' planete).Ezès tîxhons lingaedjes li djoû est purade lomé \"djoû d' Wotan\" (k' est li diu dins l' mitolodjeye tîxhone ki corespond a Mierkeure po les romins). E djaponès on l' lome \"djoû del aiwe\" (水曜日, suiyōbi), mins ciste aiwe la pout esse veyowe soeye-t i come onk des cénk elemints prumioûles des Chinwès (li feu, l' aiwe, li bwès, li metå eyet l' tere) ou come l' acourtixha do no del planete Mierkeure (水星, suisei), dj' ô bén, ki l' djoû est lomé come amon nozôtes.E chinwès c' est tot simplumint li \"troejhinme djoû del samwinne\" (星期三 u 週三); ey e portuguès et grek, li \"cwatrinme\" (quarta-feira, τετάρτη).Mins sacwants lingaedjes, come l' almand ou bén li polonès, li lomèt \"li djoû do mitan del samwinne\" (Mittwoch, środa)Li mierkidi après-nonne est condjî po les scolîs walons. Les ôtes djoûs del samwinne: londi ~ mårdi ~ mierkidi ~ djudi ~ vénrdi ~ semdi ~ dimegne Les intrêyes po mierkidi et dimiek dins l' esplicant motî. Les moumints del djournêye."@wa . "Pol discramiaedje des årtikes avou l' mot \"Årdene\", loukîz cialL' Årdene, c' est on payis d' tienes d' edjåxhe rascovrous d' grand bwès, ki sont les rmanants d' on platea di viyès montinnes discôpé e bråmint d' parfondès valêyes.Ses pus hôtès tienes sont djusse dizo les 700 metes hôt.Si terén est foirt pôve e pire a tchåsse et si aireur est deure. Adon, i n' fwait nén åjhey po les plantes î crexhe, et les såvaedjès biesses î viker. C' est parey po l' agricoûteure, l' aclevaejde et les djins.L' Årdene si stind so tote li pårteye nonnrece del Walonreye (sol droete erive di Mouze), sol Grande Dutcheye do Lussimbork et des bokets el France (dipårtumint des Årdenes) eyet el Almagne (wice ki l' platea est lomé Efel).C' est ene redjon foirt touristike."@wa . "Zénobe Théophile Gramme, a vnou å monde li 4 d' avri 1826 a Djhé, et mori li 20 di djanvî 1901 a Bois-Colombes (France). Il est cnoxhou po-z esse l' edvinteu del dinamo, çou k' a permetou d' eployî industriyelmint l' electricité.Zénobe èn finixha nén ses scoles, eyet cmincî a-z ovrer a Hanut foirt djonne.Cwand si pere, k' esteut eployî ås contribucions, ebaga-st a Lidje, i shuva l' famile, shuve des cours di mnujhî, et s' dimore-t i a Lidje disk' a 1855.E 1856 i bague a Paris ey esse egadjî pa Ruhmkorff, fijheu d' instrumints syintifikes eyet d' éndjins magneto-electrikes.E 1867 Zénobe fwait rashir si prumî brevet po des ramidraedjes d' éndjins a corant alternatif.E 1869 il edvinte li dinamo Gramme, ki permete di produre des corants electrikes di voltaedje bén pus foirt ki dvant. E 1870 i fwait rashir on brevet po cisse dinamo la, ey e 1871 i s' mete avou l' indjenieu francès Hippolyte Fontaine po fonder li Societé d' Machines Magneto-electrikes Gramme et insi poleur produre et vinde les indjins fijheus d' corant, capåves di cvierser l' ovraedje mecanike en enerdjeye electrike.E 1873 i mostere k' on pout eployî l' éndjin å rvier, po produre do movmint a pårti d' electricité.Li tecnolodjeye eyet l' industreye seront ttafwaitmint discandjeyespa cisse dischoviete.Li wapeur come sourdant d' enerdjeye va esse di pus a pus leyî sol costé et s' prindra-t on purade l' enerdjeye electrike.Et li monde candja pår.E 1905 li veye di Lidje lyi fjha-st on momumint, ki s' trove inte les ponts di Fetine (so l' Aiwe-d'-Oûte) et di Fragnêye (so Mouze); li momumint a troes posteures ene so on grand pî-d'-sok, di bronze, avou Gramme tinant ene dinamo et rçuvant les lôrîs del glwere (riprezintêye pa ene djonne feme), et di tchaeke costé, ene posteure di pire, avou Zénobe djonne, situdiant eyet ovrant come munujhî."@wa . "Li vénrdi (ou divénr) est l' no do cénkinme djoû del samwinne, li shijhinme po les Djwifs et ls Arabes.Li fôme divénr egzistéve co coranmint divant les anêyes 1900 et a des plaeces k' i gn a; mins c' est l' fôme avou aplacaedje tîxhon (vénrdi) k' est ouy li pus corante.Li mot vént do latén veneris dies ki vout dire \"li djoû da Venusse\" (li deyesse rominne ou l' planete).Ezès tîxhons lingaedjes li djoû est purade lomé \"djoû da Freya/Freyr\" (k' est, dins l' mitolodjeye tîxhone, li deyesse ki corespond a Venusse po les Romins). E djaponès on l' lome \"djoû do metå\" (金曜日, kinyōbi), mins ci metå la pout esse veyou soeye-t i come onk des cénk elemints prumioûles des Chinwès (li feu, l' aiwe, li bwès, li metå eyet l' tere) ou come l' acourtixha do no del planete Venusse (金星, kinsei), dj' ô bén, ki l' djoû est lomé come amon nozôtes.E chinwès c' est tot simplumint li \"cénkinme djoû del samwinne\"(星期五 u 週五); ey e portuguès li \"shijhinme\" (sexta feria).Po les moslimîs c' est l' djoû k' on va priyî al moskêye. C' est djoû d' condjî dins sacwants payis arabes (Aldjereye), mins nén dins ds ôtes (Marok, Tunizeye). Les ôtes djoûs del samwinne: londi ~ mårdi ~ mierkidi ~ djudi ~ vénrdi ~ semdi ~ dimegne Les intrêyes po vénrdi et divénr dins l' esplicant motî. Les moumints del djournêye."@wa . "Li djudi (ou diyou) est l' no do cwatrinme djoû del samwinne, li cénkinme po les Djwifs et ls Arabes.Li fôme diyou egzistêve co coranmint divant les anêyes 1900 et des dins des plaeces k' i gn a; mins c' est l' fôme avou aplacaedje tîxhon k' est ouy li pus corante. Li mot vént do latén jovis dies ki vout dire \"li djoû da Djupiter\" (li diu romin oudonbén l' planete).Ezès tîxhons lingaedjes li djoû est purade lomé \"djoû da Thor\" (k' est li diu dins l' mitolodjeye tîxhone ki corespond a Djupiter po les romins). E djaponès on l' lome \"djoû do bwès\" (木曜日, mokuyōbi), mins ci bwès la pout esse veyou soeye-t i come onk des cénk elemints prumioûles des Chinwès (li feu, l' aiwe, li bwès, li metå eyet l' tere) ou come l' acourtixha do no del planete Djupiter (木星, mokusei), dj' ô bén, ki l' djoû est lomé come amon nozôtes.E chinwès c' est tot simplumint li \"cwatrinme djoû del samwinne\"(星期四 u 週四); ey e portuguès li \"cénkinme\" (quinta feria).Li nôme ISO 8601 definixh li djudi come li mitan del samwinne. Les djudis d' ene anêye determinèt l' limerotaedje des samwinnes. Li samwinne 1 est l' prumire k' a-st on djudi. Les ôtes djoûs del samwinne: londi ~ mårdi ~ mierkidi ~ djudi ~ vénrdi ~ semdi ~ dimegne Les intrêyes po djudi et diyou dins l' esplicant motî. Les moumints del djournêye."@wa . "Li semdi est l' no do shijhinme djoû del samwinne, li setinme po les Djwifs et ls Arabes.Li mot semdi vént do latén sambati dies ki vout dire \"li djoû do Shabate\" (li djoû wice k' on n' pout nén ovrer s' apinse li tradicion djwive).C' est ci mot la di \"djoû do Shabate\" k' on rtrove dins bråmint des lingaedjes laténs ey en almand; mins nerén dins ds ôtes lingaedjes tîxhons (neyerlandès, inglès) c' est l' vî no romin di \"djoû di Satûne\" k' est eployî.E djaponès on l' lome \"djoû del tere\" (土曜日, doyōbi), mins cisse tere la pout esse veyowe soeye-t i come onk des cénk elemints prumioûles des Chinwès (li feu, l' aiwe, li bwès, li metå eyet l' tere) ou come l' acourtixha do no del planete Satûne (土星, dosei), dj' ô bén, ki l' djoû est lomé come dins des lingaedjes tîxhons k' i gn a.E chinwès c' est tot simplumint li \"shijhinme djoû del samwinne\"(星期六 u 週六) Les ôtes djoûs del samwinne: londi ~ mårdi ~ mierkidi ~ djudi ~ vénrdi ~ semdi ~ dimegne L' intrêye po semdi dins l' esplicant motî. Les moumints del djournêye."@wa . "Google est ene eterprijhe el Californeye, k' a fwait ene ricwerrece waibe do minme no. E 2002, cisse ricwerrece est veyowe pa bråmint d' djins come li meyeuse et li pus poûxhante k' i gn a sol daegntoele: 3 miyårds di pådjes edjîstrêyes, ricweraedjes so les imådjes, so les copinreyes (newsgroups) Usenet...Di pus, li rcwerrece est vormint rapide et sins trop d' gåliotaedjes: pont d' Javascript ou d' flash, pont di rclames spite ås ouys, evnd.Li cweraedje si fwait eto so les fitchîs PDF, ki polèt esse léjhous so cogne html a pårti del pådje di rcweraedje